mobile

नेदरल्याण्डमा अन्धाधुन्ध गोलीबारीः तीनको मृत्यु  

By Anu Rana on Mar 19,2019 - 17:12

नेदरल्याण्डकाे यूट्रेख्ट शहरमा ट्रलीबसमा एक जना व्यक्तिले अन्धाधुन्ध गाेली चलाउँदा  ३ जनाको मृत्यु भएको त्यहाँको मेयरले बताएका छन् ।

युट्रेख्टका मेयर जान वेन जानेनका अनुसार सोमबार बिहान १० बजेर ४५ मिनेटमा ट्राममा भएको गोलीबारीमा तीनजनाको ज्यान गएको थियो । भने यो घटनामा पाँचजना घाइते भएका थिए । प्रशासनका अनुसार हमलाकर्ताको उद्देश्य के थियो, त्यसबारे अहिलेसम्म पत्ता लाग्न सकेको छैन ।

नेदरल्याण्डको पुलिसले ३७ वर्षका गोकमेन तानिसलाई हमलाको थुप्रै घण्टापछि पक्राउ गर्न सफल भयो । उनलाई कहाँबाट पक्राउ गरियो भन्नेबारे पनि स्पष्ट जानकारी छैन ।

बीबीसी टर्की सेवासँग कुरा गर्दै एक स्थानीय व्यापारीले संदिग्ध हमलाकर्तालाई यसअघि पनि इस्लामिक स्टेटसँग सम्बन्ध भएका कारण पक्राय गरिसकिएको छ । यद्यपी, उनलाई केही समय पछि नै रिहा गरिएको थियो ।

पुलिसले यसलाई आतंकवादी घटनाको रुपमा हेरेको छ, भने नेदरल्याण्डको आतंकवाद निरोधी संगठनका समन्वयकर्ता स्थानीय प्रशासनको सम्पर्कमा छन् । र सहरमा उच्चस्तरीय खतरा घोषित गरिएको छ ।

प्रहरीले स्थानीयहरुलाई सडकमा नआउन आग्रह गरिरहेका छन् । यसका साथै सर्वसाधारणलाई घरमै रहन र विद्यालयको झ्यालढोका बन्द गर्न आदेश दिएको छ । अहिले यूट्रेख्ट सेन्ट्रल रेलवेबाट ट्रेनको आवतजावतलाई पनि बन्द गरिएको छ ।

कतिबेला भयो यस्तो हमला ?

पुलिसका अनुसार गोलीबारीको यो घटना स्थानीय समयानुसार बिहान १० बजेर ४५ मिनेटमा भयो । हमलाका प्रत्यक्षदर्शीले डच न्यूजसाइट एनयू डट एनएललाई ‘एक व्यक्तिले अचानक अन्धाधुन्ध गोली चलाउन सरु गरेको’ बताए ।

यस्तै, एक घाइते महिलाको मद्दत गर्ने व्यक्तिले नेदरल्याण्डको सरकारी समाचार च्यानल एनओएसलाई भने, ‘जब मैले एक रगताम्मे महिलालाई देखेँ तब उनलाई आफ्नो कारमा ल्याएर मद्दत गर्ने कोसिस गरेँ । तर जबसम्म पुलिस घटनास्थलसम्म पुग्यो तबसम्म ती महिला बेहोस भइसकेकी थिइन् ।’

ट्याग -  गोलीबारी , मृत्यु  

SUGGESTED ARTICLES

img
युद्ध भए इरान ध्वस्त हुनेछ': डोनाल्ड ट्रम्प  

अमेरिकी राष्ट्रपति डोनाल्ड ट्रम्पले इरानले अमेरिकासँग युद्ध गर्न खोजे इरान ध्वस्त हुने चेतावनी दिएका हुन्। ट्रम्पले ट्वीटरमा 'यदि इरान युद्ध लड्न चाहन्छ भने त्यो इरानको औपचारिक अन्त्य हुनेछ। त्यसैले अमेरिकालाई फेरि कहिल्यै नधम्काउनु' लेख्दै चेतावनी दिएका हुन्।


by Anu Rana | May 21

img