mobile

मुलुकी संहितासम्बन्धी विधेयक पेश

By RSS on Mar 24,2019 - 17:08

प्रतिनिधिसभामा ‘मुुलुकी संहितासम्बन्धी केही नेपाल ऐनलाई संशोधन गर्ने विधेयकसम्बन्धी समितिको प्रतिवेदन, २०७५ पेश भएको छ । 

प्रतिनिधिसभाको आजको दोस्रो बैठकमा कानून, न्याय तथा मानवअधिकार समितिका सभापति कृष्णभक्त पोखरेलले सो प्रतिवेदन पेश गर्नुभएको हो । 

बैठकमा शिक्षा, विज्ञान तथा प्रविधिमन्त्री गिरिराजमणि पोखरेलका तर्फबाट कानून, न्याय तथा संसदीय मामिलामन्त्री भानुभक्त ढकालले ‘पारमाणविक विधेयक,२०७५’ लाई दफावार छलफलका लागि सम्बन्धित समितिमा पठाइयोस्’ भनी प्रस्ताव प्रस्तुत गर्नुभयो । 

प्रतिनिधिसभाका सचिव गोपालनाथ योगीले राष्ट्रियसभाबाट प्राप्त सन्देशसहित ‘जीवनाशक विषादी व्यवस्थापन विधेयक–२०७५’, ‘भूउपयोग विधेयक–२०७५’, ‘नागरिक लगानी कोष (दोस्रो संशोधन) विधेयक–२०७५’ र ‘विज्ञापन (नियमन गर्ने) विधेयक–२०७५’ टेबुल गर्नुभयो । 

सचिव योगीले राष्ट्रियसभाबाट प्राप्त सन्देशको जानकारीसहित ‘लेखा परीक्षण विधेयक–२०७५’, ‘विशेष आर्थिक क्षेत्र (पहिलो संशोधन) विधेयक–२०७५’, ‘विदेशी लगानी तथा प्रविधि हस्तान्तरण विधेयक–२०७५’, ‘सार्वजनिक–निजी साझेदारी तथा लगानी विधेयक, २०७५’ र ‘प्रदेश लोकसेवा आयोग (आधार र मापदण्ड निर्धारण) विधेयक–२०७५ सहितको सन्देश बैठकमा जानकारी गराउनुभयो । 

बैठक १० मिनेटका लागि स्थगन गरिएको छ । प्रतिनिधिसभाको तेस्रो बैठकमा प्रधानमन्त्री केपी शर्मा ओलीले सम्बोधन गर्ने कार्यक्रम रहेको छ । (रासस)

ट्याग -  मुलुकी संहिता ,

SUGGESTED ARTICLES

img
युद्ध भए इरान ध्वस्त हुनेछ': डोनाल्ड ट्रम्प  

अमेरिकी राष्ट्रपति डोनाल्ड ट्रम्पले इरानले अमेरिकासँग युद्ध गर्न खोजे इरान ध्वस्त हुने चेतावनी दिएका हुन्। ट्रम्पले ट्वीटरमा 'यदि इरान युद्ध लड्न चाहन्छ भने त्यो इरानको औपचारिक अन्त्य हुनेछ। त्यसैले अमेरिकालाई फेरि कहिल्यै नधम्काउनु' लेख्दै चेतावनी दिएका हुन्।


by Anu Rana | May 21

img