mobile

थाइल्यान्डमा आम निर्वाचन प्रारम्भ  

By Anu Rana on Mar 25,2019 - 16:04

थाइल्यान्डमा आमनिर्वाचन सम्पन्न भएको छ । सन् २०१४ मा थाई सेनाले सत्ताकब्जा गरेपछि पहिलोपटक आइतबार आमनिर्वाचन भएको हो । सेनाको र अपदस्थ गरिएका पुर्व प्रधानमन्त्री थाक्सिन सिनावात्राका समर्थकहरुबिचको द्वन्द्वको कारण थाइल्यान्डको राजनीति वर्षौंसम्म अस्थिर रहन पुगेको थियो ।

निर्वाचनमा ८० प्रतिशत मत खसेको निर्वाचन आयोगले जनाएको छ । सैनिक पक्षधर र सत्ताच्यूत गरिएका पूर्वप्रधानमन्त्री थाक्सिन सिनावात्राका समर्थकबीच राजनीतिक संघर्ष चलिरहेका वेला मतदान सम्पन्न भएको छ ।

आलोचकहरूको भनाइमा सेनाले जारी गरेको नयाँ संविधानले पछिल्लो मतदानबाट जस्तोसुकै परिणाम आए पनि सत्तामाथि सेनाको प्रभाव रहनेछ । नयाँ संसद्मा सेनाका व्यक्तिहरूको बाक्लो उपस्थितिलाई संविधानमै सुनिश्चित गरिएको छ । आइतबारको निर्वाचनमा पाँच करोडभन्दा बढी नागरिक मतदानका लागि योग्य थिए । निर्वाचनका लागि १८ देखि २६ वर्ष उमेर समूहका मात्र ७० लाख मतदाता मतदानका लागि योग्य थिए ।

निर्वाचनको पूर्वसन्ध्यामा थाई राजा भाजिरालंकर्णले एक विज्ञप्तिमार्फत मतदानका क्रममा ‘शान्ति सुव्यवस्था’ कायम गर्न आग्रह गरेका थिए ।

विद्यालय, मन्दिर, सरकारी कार्यालयलगायत ठाउँमा बिहानैदेखि मतदान गर्नेहरूको भिड लागेको थियो । निर्वाचनमा झन्डै ४० राजनीतिक दलले भाग लिएका थिए । निर्वाचनको पूर्वसन्ध्यामा पूर्वप्रधानमन्त्रीद्वय थाक्सिन सिनावात्रा र यिंलक सिनावात्राको थाई रक्षा चार्ट पार्टीलाई अदालतले प्रतिबन्ध लगाएकाले सो पार्टी निर्वाचनमा सहभागी हुन पाएन । 

यस चुनावमा सेना र थाक्सिन समर्थित पार्टीहरुबिच कडा प्रतिस्पर्धा हुने अनुमान गरिएको छ । सन् २००६ मा सेनाबाट अपदस्थ गरिएयता सिनावात्रा अधिकार दुरुपयोग गरेको अभियोगबाट बच्नका लागि स्वनिर्वासित जीवन बिताउँदै आएका छन् । तर अझैपनि ग्रामिण क्षेत्रका थुप्रै गरिब मतदाता प्रति प्रभाव रहेको छ । सन् २००१ देखि प्रत्येक चुनाव थाक्सिन समर्थित पार्टीहरुले जित्दै आएको इतिहास रहेको छ । यसपालिको चुनावमा थाक्सिन समर्थित प्रमुख पार्टी फ्यु थाइ रहेको छ ।

थाक्सिन सिनावात्रालाई सन् २००६ मा सैनिक सत्ताविद्रोहबाट पदच्यूत गरिएको थियो । त्यसपछि सन् २०१४ मा उनकी बहिनी यिंलकको सत्तामा पुनरागमन भएको थियो । तर, उनलाई पनि भ्रष्टाचार आरोपमा सत्ताबाट हटाइएको थियो । पाँच वर्षदेखि सैनिक जनरल प्रयुत चान–ओ–चाले सरकारको नेतृत्व गरेका छन् । उनी पनि निर्वाचनमा उम्मेदवार बनेका छन् ।   

ट्याग -  आम निर्वाचन ,

SUGGESTED ARTICLES

img
प्रेस स्वतन्त्रताको पूर्ण सुनिश्चितता हुन्छ : मन्त्री बाँस्कोटा

सञ्चार तथा सूचना प्रविधिमन्त्री गोकुलप्रसाद बाँस्कोटाले विद्युतीय कारोवार ऐन खारेज गरी नयाँ प्रेस कानूनद्वारा प्रेस स्वतन्त्रताको पूर्ण सुनिश्चितता गर्ने प्रतिबद्धता व्यक्त गर्नुभएको छ । पत्रकारहरुले विद्युतीय कारोवार ऐनको दफा ४७ र ४८ अन्तर्गत पत्रकारलाई पटकपटक पक्राउ गर्ने क्रम बढेको जनाउँदै उक्त दफा खारेजीको माग गरिरहेको सन्दर्भमा मन्त्री बाँस्कोटाले सो कुरा बताउनुभएको


by RSS | Apr 18

img