mobile

मिडिया कप फुटसलको उपाधि प्रेस सङ्गठनलाई

By RSS on Mar 29,2019 - 14:45

नेपाल पत्रकार महासङ्घको ६४औंँ स्थापना दिवसको अवसरमा आयोजना गरिएको ‘मिडिया कप फुटसल प्रतियोगिता २०७५’ को उपाधि प्रेस सङ्गठन नेपालले जितेको छ । 

आज यहाँ भएको फाइनल खेलमा नेपाल प्रेस युनियनलाई ६ –१ को गोल अन्तरले हराउँदै प्रेस सङ्गठनले उपाधि जितेको महासङ्घका सचिव तथा फुटसल प्रतियोगिताका संयोजक प्रकाश थापाले बताउनुभयो । 

विजेता र उपविजेता टिमलाई महासङ्घका अध्यक्ष गोविन्द आचार्यले ट्रफी र मेडल हस्तान्तरण गर्नुभएको थियो । प्रतियोगितामा विजेता समूह प्रेस सङ्गठनले १० हजार नगद, ट्रफी, मेडल र प्रमाणपत्र र उपविजेताले प्रेस युनियनले सात हजार नगद ट्रफी, मेडल र प्रमाणपत्र प्राप्त गरेका छन् । 

त्यस्तै तेस्रो स्थान हासिल गर्न सफल इमेज च्यानलले पाँच हजार नगद, ट्रफी, मेडल र प्रमाणपत्र प्राप्त गरेको छ । प्रतियोगितामा १३ गोल गर्दै उच्च गोल कर्ता प्रेस सङ्गठन नेपालका खेलाडी दिपेन्द्र गुरुङ् वेस्ट स्कोरर र वेस्ट प्लेयर नेपाल प्रेस युनियनका खेलाडी निशान राई हुनु भएको छ । 

बिहीबारदेखि शुरु भएको फुटसल प्रतियोगितामा सञ्चार क्षेत्रसँग सम्बन्धी विभिन्न एघार सङ्घ संस्थाका टोलीले भाग लिएका थिए । प्रतियोगितामा नेपाल पत्रकार महासङ्घ केन्द्रीय समिति (ए), नेपाल पत्रकार महासङ्घ केन्द्रीय समिति (बी), सूचना विभाग, प्रेस काउन्सिल नेपाल, नेपाल पत्रकार महासङ्घ काठमाडौं शाखा (ए), नेपाल पत्रकार महासङ्घ काठमाडौँं शाखा (बी), इमेज च्यानल, नेपाल टेलिभिजन, नेपाल प्रेस युनियन, प्रेस सङ्गठन नेपाल र नेपाल पत्रकार मञ्चलगायतले भाग लिएका थिए ।

ट्याग -  फुटसल ,

SUGGESTED ARTICLES

img
उप–प्रमुख महिला क्रिकेट हुने

जिल्लामा उप–प्रमुख कप महिला टि–ट्वान्टी क्रिकेट प्रतियोगिता हुने भएको छ । दशरथचन्द नगरपालिकामा यही जेठ २३ गतेदखेखि दोस्रो संस्करणको उपमेयर कप शुरु हुनेछ । दशरथचन्द नगरपालिकाको सहयोग तथा नगर क्रिकेट समितिको आयोजनामा उक्त प्रतियोगिता सञ्चालन हुन लागेको हो ।


by RSS | May 21

img