mobile

स्ववियु निर्वाचनको माग राखी आन्दोलन

By RSS on Apr 01,2019 - 15:50

नेपाल विद्यार्थी सङ्घले स्वतन्त्र विद्यार्थी युनियन (स्ववियु) को निर्वाचन गराउन माग राखी लगातार आन्दोलन गर्दै आएको छ । सङ्घले आज मध्यपश्चिमाञ्चल विश्वविद्यालय (एमयु)मा कालोझण्डा गाडेर तत्काल निर्वाचनको कार्यतालिका सार्वजनिक गर्न दबाब दिएको हो । 

विश्वविद्यालयले यही चैत २५ गते निर्वाचनको मिति तोकेको थियो । नेविसङ्घका केन्द्रीय सदस्य अनिलबहादुर शाहीले विश्वविद्यालय अन्तर्गतका केन्द्रीय क्याम्पसका साथै शिक्षा विज्ञान, मानविकी, इञ्जिनीयरिङ, व्यवस्थापन र विज्ञान क्याम्पसमा कालो झण्डा गाडेको जानकारी दिनुभयो । 

उहाँले भन्नुभयो,“निर्वाचनको मिति तोक्ने, निर्वाचन नगराउने विश्वविद्यालय नेतृत्वको नियतविरुद्ध आन्दोलन जारी राखेका हौं ।” नेविसङ्घले यही चैत १२ गतेदेखि विश्वविद्यालय प्रशासनमा धर्ना दिनुका साथै आन्दोलनका विभिन्न कार्यक्रम गर्दै आएको छ ।(रासस) 

ट्याग -  स्ववियु निर्वाचन ,

SUGGESTED ARTICLES

img
सविधान संशोधन तथा लाल प्रतिवेदन सार्वजनिक होस् : राजपा

राष्ट्रिय जनता पार्टीले सर्वाेच्च अदालतका पूर्वन्यायाधीश गिरीशचन्द्र लालको अध्यक्षतामा गठित आयोगको प्रतिवेदन सार्वजनिक गर्न पुनः माग गरेको छ । प्रतिनिधिसभाको आजको बैठकको प्रारम्भमै उक्त पार्टीका नेता महेन्द्रप्रसाद यादवले सो प्रतिवेदन सार्वजनिक गर्न र संविधान संशोधनका लागि सभामुखबाट पुनः रुलिङ गर्न माग गर्नुभएको हो ।


by RSS | May 21

img