mobile

सामाजिक सञ्जाल गुगल प्लस आजदेखि बन्द

By Anu Rana on Apr 03,2019 - 15:17

सामाजिक सन्जाल ‘गुगल प्लस’ मंगलबार बिहानबाट बन्द भएको छ । प्रयोगकर्ताले नरुचाएपछि गुगलले गुगल प्लस बन्द गरेको हो । सन् दुई हजार ११ मा फेसबुक र ट्विटरलाई चुनौती दिन गुगल प्लसको निर्माण गरिएको थियो । तर प्रयोगकर्तामाझ लोकप्रिय हुन नसकेपछि यो सधैका लागि बन्द भएको हो । गुगल प्लसलाई युट्युबमा जोड्ने प्रयास गरिए पनि प्रयोगकर्ताले यसलाई रुचाएका थिएनन् । सन् दुई हजार १८ मा यसका तथ्याङ्क चोरी भएको सार्वजनिक भएपछि गुगलले बन्द गर्ने निर्णय गरेको थियो । गुगल प्लसमा अन्य सामाजिक सञ्जालमा जस्तो लेख्न र तस्बिरहरू राख्न मिल्ने सुविधा थियो । गुगल प्लसलाई संसारको दोस्रो सबैभन्दा मूल्यवान ब्रान्डको असफल सामाजिक सञ्जाल मानिएको छ ।

यसलाई प्रयोगकर्ताले सुरुदेखि नै मन नपराउनुको साथै त्यसमाथि झन् यसका डाटाहरु चोरी भएको खुलासा भयो र गुगलले गुगल प्लस बन्द गर्ने घोषणा गरेको थियो ।

त्यसअघि यसलाई जोगाउने उपाय गुगलले ननिकालेको होइन । युट्युबमा प्रतिक्रिया लेख्न गुगल प्लस एकाउन्ट हुनैपर्ने नियम बनाइयो । त्यतिमात्रै होइन, गुगल प्लसमा उपनाम राख्न बर्जित थियो । यो नियम उल्लंघन गरेमा जिमेल नै बन्द हुने व्यवस्था मिलाइएको थियो ।

तर, पनि यो प्रयोगकर्ताको रुचिमा परेन र आलोचनाबाट पनि मुक्त भएन । त्यसैले गुगल प्लस बन्द गर्ने निष्कर्षमा गुगल पुग्यो । गुगलले अब आफ्नो इमेल एपका खास विशेषतालाई जीमेल एपसँग जोड्ने छ ।

त्यसअघि गुगलले ३० मार्चबाट युआरएल शर्टनर सर्भिस बन्द गरेको थियो । सन् २००९ बाट सुरु भएको शर्टनर टुलबाट कुनै पनि लामो लिंकलाई सजिलै छोट्याउन सकिन्थ्यो । तर यसलाई पनि प्रयोगकर्ताले रुचाएनन् । सेवा बन्द गर्नुअघि गुगलले आफ्ना प्रयोगकर्तालाई एफडीएल, बिट्ली जस्ता लिंक शर्टनर टुल प्रयोग गर्न सुझाव दिएको थियो ।

गुगलका झण्डै एक दर्जन सेवाहरु असफल भएर बन्द भइसकेका छन् । गुगल बज, गुगल डिक्सनरी, गुगल ल्याब्स, पिकनिक, जाइकू, गुगल रिडर, अर्कुट, पिकासा, क्रोमबुक पिक्सेल, गुगल अल्लो लगायतका सेवा बन्द भएका छन् ।

ट्याग -  सामाजिक सञ्जाल गुगल प्लस आजदेखि बन्द

SUGGESTED ARTICLES

img
अमेरिकामा साइबर संकटकालको घोषणा

अमेरिकी राष्ट्रपति डोनाल्ड ट्रम्पले कार्यकारी अधिकार प्रयोग गर्दै विदेशी साइबर हमलाको अवस्थाबाट अमेरिकी कम्प्युटरलाई बचाउनका लागि राष्ट्रिय संकटकाल घोषणा गरेका छन् । अमेरिकी राष्ट्रपति ट्रम्पले बुधबार एक कार्यकारी आदेश जारी गर्दै राष्ट्रिय संकटकालको घोषणा गरेका हुन् ।


by Anu Rana | May 20

img

Whoops, looks like something went wrong.