mobile

भारतको कानपुरलाई टी–२० को उपाधि

By RSS on Apr 03,2019 - 11:57

तेस्रो शहीद कप क्रिकेट प्रतियोगिता–२०७५ को उपाधि भारतको सोने कानपुर क्रिकेट क्लबले जितेको छ । जनकपुरधामको बाह्रबिघाको खेलमैदानमा मङ्गलबार भएको अन्तिम खेलमा सोने कानपुर क्रिकेट क्लबले जनकपुरधाम क्रिक्रेट क्लबलाई ७ विकेटले हराएर सो उपाधि जितेको हो । जनकपुरधाम क्रिकेट क्लबले टस जिती निर्धारित २० ओभरमा ११३ रनको लक्ष्य दिएकामा कानपुर क्रिक्रेट क्लबले १८औँ ओभरमा सो लक्ष्य पूरा गरेको थियो ।

मधेश आन्दोलनका शहीदको स्मृतिमा आयोजित सो प्रतियोगितामा प्रथम हुने टिमले रु दुई लाख ११ हजार र दोस्रो हुने टिमले रु एक लाख पाँच हजार प्राप्त गरेका छन् । नेपालको जनकपुरधाम, वीरगञ्ज, भैरहवा, विराटनगर र कलैया तथा भारतको कानपुर, दरभङ्गा, पटना र मुझफरपुर टिमको सहभागिता रहेको सो प्रतियोगितामा युनाइटेड क्रिक्रेट क्लबका शेफ अलीलाई उत्कृष्ट ब्याट्समेन र भारतका सोने क्रिकेट क्रिकेट क्लबका शिवमु दीक्षितलाई उत्कृष्ट बलरको पुरस्कार प्रदान गरिएको थियो ।

विजयी टिम र खेलाडीलाई पूर्वमन्त्री राजेन्द्र महतो, प्रदेश नं २ का सामाजिक विकासमन्त्री नवलकिशोर साहले पुरस्कार र शिल्ड प्रदान गर्नुभएको थियो ।(रासस)

ट्याग -  टी–२० , उपाधि ,

SUGGESTED ARTICLES

img
फुटबलको चर्चा तर पूर्वाधार निर्माणमा निराशाजनक वर्ष

यसैवर्ष दुईवटा घरेलु क्रिकेट प्रतियोगिताले नेपाली खेलाडीलाई केही राहत मिल्यो । अघिल्लो महीना पोखरामा सम्पन्न पोखरा प्रिमियर लिग र यसै महीना काठमाडौँमा सम्पन्न एभरेष्ट प्रिमियर लिगले नेपाली क्रकेटको दर्शक बढाउन सफल भयो । प्याराग्लाइडिङमा एतिहासिक रजत गत भदौमा इण्डोनेसियामा भएको एशियाली खेलकूद प्रतियोगिता (एसियाड) मा नेपालले २९ खेलमा भाग लियो ।


by RSS | Apr 15

img