mobile

मातृभाषा शिक्षाको विस्तार गरिँदै

By RSS on Apr 04,2019 - 14:34

ललितपुर महानगरपालिकाले मातृभाषा शिक्षाको विस्तार गर्ने भएको छ । अहिले १० बाल विकास केन्द्र ९इसिडी० मा नेपाल भाषा रहेकामा आगामी दिनमा त्यसलाई विस्तार गर्दै जाने महानगरको योजना छ ।

आगामी दिनमा माथिल्ला कक्षासम्म मातृभाषालाई पढाइ गरिने नगर शिक्षा अधिकारी महेन्द्रबहादुर क्षेत्रीले बताउनुभयो । उहाँका अनुसार सन्तानलाई मातृभाषामा पढाउन अभिभावकको चाहना बढ्दै जाँदा महानगरपालिकाले मातृभाषालाई विस्तार गर्न लागेको हो । उहाँले भन्नुभयो, “पहिलो चरणमा कम्तीमा एउटा वडामा एउटा हुने गरेर मातृभाषाको विद्यालयको शुरुआत हुनेछ ।”

महानगरभित्रका विद्यालयमा कुन कुन माध्यममा पढाउने भन्ने अभिभावकसँग छलफलसमेत अघि बढाइने महानगरले जनाएको छ । सामुदायिक विद्यालयमध्ये अधिकांशले अङ्ग्रेजी माध्यममा नै पढाउन थालेकाले माध्यमका बारेमा छलफल आवश्यक भएको उहाँले बताउनुभयो । विद्यार्थी आकर्षित गर्ने भन्दै अधिकांश सामुदायिक विद्यालयले अङ्ग्रेजी माध्यममा पढाइ शुरु गरे पनि कतिपय अभिभावक नेपाली त कतिपयले मातृभाषासमेत रुचाएका उहाँले जानकारी दिनुभयो । महानगरभित्र दुई सय दुई विद्यालय रहेकामा १८२ निजी र ४० सामुदायिक छन् । महानगरभित्र बाल विकास केन्द्रको सङ्ख्या ७४ छ ।(रासस)

ट्याग -  मातृभाषा शिक्षा ,

SUGGESTED ARTICLES

img
सामुदायिक विद्यालयमा सुधार

जिल्लाका सामुदायिक विद्यालयको पठनपाठनमा सुधार आएको छ । स्थानीय तह र गैरसकारी संस्थाको समन्वयमा विभिन्न शैक्षिक कार्यक्रम सञ्चालन भएपछि शैक्षिक अवस्थामा सुधार आएको हो । पढाइ राम्रो हुँदैन, शिक्षक योग्य हुँदैनन् भन्ने सोचले यहाँका अभिभावक छोराछोरीलाई निजी विद्यालयमा पढाउँदै आएका थिए । विद्यालयमा हिजोआज विद्यार्थीको सङ्ख्या बढ्दै गएको छ । जिल्लामा १७० सामुदायिक विद्यालय छन् ।


by RSS | May 21

img