mobile

विमान आगलागी हुँदा ४१ जनाको मृत्यु

By Anu Rana on May 06,2019 - 14:09

रुसको राजधानी मस्कोमा आइतबार एक यात्रुवाहक विमान आगलागी हुँदा ४१ जनाको मृत्यु भएको छ  । मस्कोको शेरेमेत्यवो हवाई अड्डाबाट मरमास्क जाँदै गरेको एयरोफ्लोट कम्पनीको सुपरजेट–१०० विमानमा आगलागी हुँदा ४१ जनाको मृत्यु भएको हो । ७८ यात्रु सवार विमानमा ५ जना चालक दलका सदस्य थिए ।

अस्पतालमा उपचाररत ६ जनामध्ये तीन जनाको अवस्था गम्भीर रहेको रुसको स्वास्थ्य मन्त्रालयले जनाएको छ ।उक्त रसियन सुपरजेट विमान आपतकालीन ल्यान्डिङ गर्ने  क्रममा आगलागी भएको हो ।

एजेन्सीको रिपोर्टअनुसार २ बच्चा र एक अमेरिकी नागरिकको पनि मृत्यु भएको छ । सोसल मिडियामा उक्त विमान आगलागीको भिडियो सियर पनि भएको छ । जहाँ रनवेमा आगोको मुस्लो सहित विमान कुदिरहेको देखिएको छ ।

रुसी राष्ट्रपति भ्लादिमिर पुटिनले दुर्घटनामा मृत्यु भएकाका परिवारजनप्रति समवेदना व्यक्त गर्नु भ्एको छ ।

रुसको सरकारी कम्पनी एयरोफ्लोटले आफ्नो वेबसाइटमा दुर्घटनामा जीवित व्यक्तिहरुको नामावली प्रकाशित गरेको छ । सूचीमा ३३ जनाको नाम छ । कम्पनीले आपतकालीन टेलिफोन नम्बर पनि जारी गरेको छ । कम्पनीले घाइतेहरुका परिवारलाई निःशुल्क मस्को पुर्‍याइने जानकारी पनि दिएको छ ।

मिडिया रिपोर्टसहरुका अनुसार विमानको पहिलो आपतकालीन ल्याण्डिङ सफल हुन सकेन । ट्राकिङ वेबसाइड फ्लाइट राडार २४ मा उडेको करिब आधा घण्टामै विमानले आकस्मिक अवतरण गर्न कोशिस गरेको देखिन्छ ।

ट्याग -  विमान आगलागी हुँदा ४१ जनाको मृत्यु

SUGGESTED ARTICLES

img
युद्ध भए इरान ध्वस्त हुनेछ': डोनाल्ड ट्रम्प  

अमेरिकी राष्ट्रपति डोनाल्ड ट्रम्पले इरानले अमेरिकासँग युद्ध गर्न खोजे इरान ध्वस्त हुने चेतावनी दिएका हुन्। ट्रम्पले ट्वीटरमा 'यदि इरान युद्ध लड्न चाहन्छ भने त्यो इरानको औपचारिक अन्त्य हुनेछ। त्यसैले अमेरिकालाई फेरि कहिल्यै नधम्काउनु' लेख्दै चेतावनी दिएका हुन्।


by Anu Rana | May 21

img