mobile

युद्ध भए इरान ध्वस्त हुनेछ': डोनाल्ड ट्रम्प  

By Anu Rana on May 21,2019 - 16:27

अमेरिकी राष्ट्रपति डोनाल्ड ट्रम्पले इरानले अमेरिकासँग युद्ध गर्न खोजे इरान ध्वस्त हुने चेतावनी दिएका हुन्। ट्रम्पले ट्वीटरमा 'यदि इरान युद्ध लड्न चाहन्छ भने त्यो इरानको औपचारिक अन्त्य हुनेछ। त्यसैले अमेरिकालाई फेरि कहिल्यै नधम्काउनु' लेख्दै चेतावनी दिएका हुन्।

अमेरिकाले पछिल्ला दिनमा खाडी क्षेत्रमा सैनिक युद्धपोत तथा विमानहरु थपेको छ। आइतबार फक्स न्युजसँगको अन्तरवार्तामा राष्ट्रपति ट्रम्पले 'इरानलाई कुनै पनि हालतमा परमाणु हतियार विकसित गर्न नदिने' बताउनु भएको थियो।

अमेरिकी राष्ट्रपति डोनाल्ड ट्रम्पले इरानसँग भएको आणविक सम्झौता रद्द गरेपछि दुवै राष्ट्रको सम्बन्धमा तनाव उत्पन्न हुँदै आएको थियो। आणविक सम्झौता रद्द गरेको अमेरिकाले इरानी सेनाको एक समूह 'इस्लामिक रिभोलुसनरी गार्ड कर्प' लाई 'आतंकवादी संगठन' घोषणा गरेपछि दुई देशबीच युद्धको अवस्था सिर्जना भएको हो। 

इरानले अमेरिकी सेनालाई 'आतंकवादी संगठन' घोषणा गरेपछि मध्य पूर्वी क्षेत्रमा सुरक्षा चुनौती बढेको भन्दै अमेरिकाले युद्धपोत र मिसाइल तैनाथ गरेको थियो।

सिरिया, अफगानिस्तान, इराक,यमन र मध्यपूर्वी क्षेत्रहरुमा अमेरिकी सेनाको उपस्थितिले त्यहाँ अझै युद्धको अवस्था सिर्जना भएको इरानले आरोप लगाउँदै आएको छ।

दुई राष्ट्रबीच युद्धको खतरा उत्पन्न हुँदै गर्दा गत हप्ता अमेरिकी विदेशमन्त्री माइक पोम्पेओ आकस्मिक रुपमा इराक पुगेर इराकी राष्ट्रपति ब्रहम सालिह र प्रधानमन्त्री अदिल अब्दुल महदीसँग भेट वार्ता गरेका थिए। उनले इराकमा रहेका अमेरिकी सैनिकमाथि इरानले आक्रमण गरे त्यसको प्रत्यक्ष प्रभाव इराकलाई पनि पर्ने भन्दै सहकार्यका लागि आग्रह गरेका थिए।

यस्तै, मध्यपूर्वी क्षेत्रमा बढिरहेको तनावका बारे छलफल गर्न साउदी अरेबियाले मध्यपूर्वी सहयोग परिषद र अरब लिगको आकस्मिक बैठक आह्वान गरेको छ।

साउदी राजा सलमानले आइतवार मेक्कामा मे ३० का लागि मध्यपूर्वी र अरब लिगका नेताहरुलाई बोलाएका छन्। इरान र अमेरिकाबीच युद्धको अवस्था सिर्जना भइ अमेरिकाले मध्यपूर्व क्षेत्रमा प्रतिरक्षा क्षमताको मिसाइल र युद्धपोत तैनाथ गरेकाले यसबारे छलफल गर्न बैठक आह्वान गरिएको हो।

ट्याग -  युद्ध भए इरान ध्वस्त हुनेछ': डोनाल्ड ट्रम्प  

SUGGESTED ARTICLES

img
विकास साझेदार निकायलाई सहकार्य गरी काम गर्न कामपाको आग्रह

काठमाडौँ महानगरपालिकाले साझेदार निकायलाई विकासका हरेक काम गर्दा सहकार्य गरी अघि बढ्न आग्रह गरेको छ । कामपाले आगामी जेठ १५ भित्र साझेदार निकायलाई कामपाको विवरण बुझाउनका लागि पत्राचारसमेत गरिसकेको छ ।


by RSS | May 21

img